Алматы облысында кәсіпкерлер алкогольді заңсыз саудалап келген. Бұл туралы Алматы облысының прокуратурасы мәлім еттті.
Қазақстан Республикасының заңнамасына сәйкес алкогольді сату міндетті лицензияны талап ететіні бәрмізге мәлім.
Мәселен, Алматы облысының прокуратурасымен жүргізілген талдау барысында рұқсат қағазынсыз алкогольдік өнімдерді сатып, салық төлеуден жалтарған 117 жосықсыз кәсіпкер анықталды.
Қадағалау органының бастамасы бойынша құқық бұзушылар ӘҚБтК-нің 463-бабы (кәсіпкерлік немесе өзге де қызметпен айналысу, сондай-ақ тиісті тіркеусіз, рұқсатсыз немесе хабарлама жібермей әрекеттерді (операцияларды) жүзеге асыру) бойынша әкімшілік жауапкершілікке тартылды.
9 мыңнан астам бөтелке түрлі алкогольдік өнімдер тәркіленіп, жойылды.
Естеріңізге сала кетейік, Қазақстан аумағында этил спирті мен алкоголь өнімдерін сәйкестік сертификаттарынсыз (және белгілерінсіз) сатуға тыйым салынады. Бұл Қазақстан Республикасының «Этил спирті мен алкоголь өнімінің өндірісі мен айналымын мемлекеттік реттеу туралы» Заңының 9-бабына сәйкес техникалық регламенттердің тиісті талаптарына сәйкес жүзеге асырылады.
Алкогольді сатуға лицензияны электронды форматта «eGov» порталы арқылы алуға болады.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
