Бұл бағыттағы жұмыстар ҚР Энергетика министрлігінің жоспар кестесіне сәйкес кәсіпорынның технологиялық қондырғыларын одан әрі қауіпсіз пайдалануды қамтамасыз ету үшін және өнеркәсіптік қауіпсіздік саласындағы азаматтық қорғау туралы заңды орындау үшін жүргізіледі.
«ҚазМұнайГаз» АҚ баспасөз қызметінің мәліметінше, жоспарлы алдын алу жұмыстары басталған уақытта зауыттарда мұнай өнімдерінің бүкіл желісі бойынша жеткілікті қор қалыптастырылған.
– Қор ішкі нарыққа біркелкі ретпен жөнелтілетін болады. Сонымен қатар Павлодар мұнай-химия және Атырау мұнай өңдеу зауыттары отынды штаттық режимде өндіруді жалғастыруда, – делінген хабарламада.
«ПКОП» серіктестігі жұмысқа тартылған мердігер ұйымдармен жоспарлы-алдын алу жұмыстары мәселелері бойынша бастапқы кеңес өткізді.
Сондай-ақ, зауыт басшылығы жоспарлы-алдын алу жұмыстары барысында техника қауіпсіздігін қатаң сақтау және жұмыс процесін тиімді жоспарлау бойынша міндеттер қойғанын атап өтті.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
