«Қазақ азық-түлік корпорациясы» мен қытайлық «Jinmaisui Group Gangwei» компаниясы қазақстандық ауылшаруашылық өнімдерін сатуда ынтымақтасуға келісті. Баспасөз қызметінде хабарланғандай, Азық-түлік корпорациясы облыс әкімдіктерімен бірлесіп шаруаларды қолдау мақсатында жыл сайын шамамен 100 миллион доллар көлемінде форвардтық қаржыландыруды қамтамасыз етеді.Қазір Корпорация шетелдік инвесторлардың қатысуымен форвардтық сатып алу тетігін енгізуге дайын. , деп хабарлайды APK Новости агенттігі .
Бұл ақпарат Астанада өткен Қазақстан экспорттаушылардың екінші форумы мен Қытай (Сычуань) – Қазақстан 2024 сауда-экономикалық ынтымақтастық жөніндегі конференциясы барысында айтылды.
Іс-шараға Сычуань және Хубэй провинцияларының іскер топтарының өкілдері, оның ішінде 200-ге жуық бизнесмендер, сондай-ақ салалық қауымдастықтардың басшылары, Қазақстан мен Қытайдың қоғамдық және квазимемлекеттік секторларының өкілдері қатысты.
«Азық-түлік корпорациясы» ҰК» АҚ басқарушы директоры Жанатаев Рустам өз сөзінде Қытайдың қазақстандық ауыл шаруашылығы өнімдерінің негізгі нарығы ретіндегі маңыздылығына тоқталды. Ол Қытайға астық экспортының жыл сайынғы өсімін атап өтіп, сапалы өніммен тұрақты қамтамасыз ету үшін компаниялар арасындағы серіктестікті нығайтуға ниетті екенін жеткізді.
Ауыл шаруашылығы тауарын өндірушілерді қолдау мақсатында азық-түлік корпорациясы облыс әкімдіктерімен бірлесе отырып, жыл сайын шамамен 100 млн АҚШ доллары көлемінде форвардтық қаржыландыруды қамтамасыз етеді.
Енді Корпорация өнімнің кепілдік берілген көлемі мен сапасын, сондай-ақ уақытылы жеткізілуін қамтамасыз ететін шетелдік инвесторлардың қатысуымен форвардтық сатып алу тетігін енгізуге дайын.
Қазақстанның экспорттық нарықтардағы позициясын нығайтудың стратегиялық мақсаттары шеңберінде Азық-түлік корпорациясы қазақстандық ауыл шаруашылығы өнімдерін халықаралық нарықтарда ілгерілету үшін шетелдік инвесторлармен ынтымақтастықты кеңейтуге ниетті.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
