IDC бағалауы бойынша былтыр жасанды интеллект шығындары 154 миллиард долларға жетті, оның ішінде бағдарламалық қамтамасыз ету, аппараттық құралдар және мамандандырылған қызметтер бар. Жыл сайын бұл көрсеткіш үштен бір бөлігіне өседі. Себебі, оның экономикалық тиімділігі айқын байқалады. Bloomberg Intelligence мәліметтеріне сәйкес, генеративті жасанды интеллект нарығы шамамен 50 миллиард долларды құрады. Бұл туралы ОКҚ-да «Цифрлық үкіметті қолдау орталығының» бас директоры Рүстем Биғари айтты.
Оның айтуынша, 2025 - жылға қарай еңбек қатынастары, PR, бизнес модельдеріне әсер ететін өзгерістер болады. Озық корпоративтік ұсыныстардың 90%-ы жасанды интеллектпен жұмыс істейтін болады.
Oxford Insights зерттеулеріне сәйкес, Қазақстан 193 елдің арасында Үндістан мен Түркиядан кейінгі 72-орында, сондай-ақ Оңтүстік және Орталық Азия бойынша өңірлік рейтингте 3-орында.
«Бұл біздің әлеуетіміз жеткілікті екенін көрсетеді. Деректердің қолжетімділігі мен көрінісі, цифрлық әлеует және құқықтық база, цифрлық бизнес-модельдерге бейімделу – Қазақстанның мықты тұстары. Біз оған 20 жыл бойы енгізіліп келе жатқан цифрлық шешімдердің арқасында қол жеткіздік», - деп атап өтті спикер.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
