«Фарма Қазақстан және Орталық Азия» халықаралық когресінің алаңында «Kazakh Invest» ҰК» АҚ жобалық менеджері Мадина Абдікадыр «EIPICO» Египет компаниясының директорлар кеңесінің төрағасы Ахмад Киланимен кездесу өткізді. Кездесу барысында тараптар компанияның Қарағанды облысындағы «Саран» аумағында толық циклді биофармацевтикалық зауыт салу жоспарларын талқылады. Жоспарланған инвестиция көлемі $30 млн құрайды.
GMP халықаралық стандарттарына сәйкес биосимилярлар мен ісікке қарсы препараттарды өндіру жобасын іске асыру 150-200 тұрақты жұмыс орындарын құруға әкеледі деп күтілуде. Оноколгиялық ауруларды емдеуге арналған өнімдер ішкі және жақын маңдағы нарықтарға жеткізілетін болады.
Кездесуге қатысушылар Қазақстандағы фармацевтика өнеркәсібін дамыту перспективаларын және инвестициялық ынтымақтастықтың өсіп келе жатқан әлеуетін талқылады. Мадина Абдікадыр Египет инвесторларын жан-жақты қолдауға сендірді, бұған дейін Қазақстанда толық циклді фармацевтикалық өндіріс болмағанын атап өтті.
Өз кезегінде EIPICO өкілдері Қазақстанмен ынтымақтастыққа және өңірдегі фармацевтика саласын дамытуда ортақ мақсаттарға қол жеткізуге дайын екендіктерін білдірді.
EIPICO – 25 терапевтік топтағы 276 дәрілік заттардың ассортименті бар Египеттегі ең ірі фармацевтикалық өндіруші. Компанияның өнімдері Египет нарығында көшбасшы болып табылады, бұл елдің фармацевтикалық өнімдерінің жалпы экспортының 21% құрайды.
Вам может быть интересно: «G7: Иран сделал еще один шаг к дестабилизации региона»
