Астана қаласының қылмыстық істер жөніндегі мамандандырылған ауданаралық сотында айыпталушылар Қуандық Бишімбаев пен Бақытжан Байжановқа қатысты өтіп жатқан сот процесінде судья Айжан Құлбаева алқабилерге қойылатын сұрақты оқып берді. Жауап негізінде үкім шығарылмақ.
Сұрақтар жария етілгеннен кейін 10 алқаби үкімді шығару үшін кеңесу бөлмесіне кетті. Судья үкімнің жариялану уақыты кейінірек белгілі болатынын айтты.
Айта кетейік, бұған дейін Қуандық Бишімбаев пен Бақытжан Байжанов соңғы сөзін айтқан болатын. Алғашқысы бұған дейін алға тартқан фактілерді тағы бір мәрте еске салып, Салтанат Нүкенованы қатыгездікпен өлтірмегенін жеткізді.
Байжанов болса, Салтанаттың өлімін жасыру былай тұрсын, өлім аузында жатқанын білмегенін алға тартқан болатын.
Сонымен, алқабилерге қойылатын сұрақтар төмендегідей:
1. 2022 жылдың 16 желтоқсанынан 2023 жылдың 9 қарашасына дейін, 2023 жылдың наурызында, сәуірінде және жазда Алматы, Астана қалаларында Нүкеноваға физикалық күш қолданылып, денесінің және басының әр жерін бірнеше рет ұрғаны және оның ар-ожданына моральдық азап көрсетілгені дәлелденді ме?
2. Бұл істерді Бишімбаев істегені дәлелденді ме?
3. Бишімбаев осы істі істегені үшін кінәлі ме?
4. Жәбірленуші Нүкенова Бишімбаевпен бірге тұрғалы жұмыс істеуін тоқтатып, табыссыз қалғаны және материалдық тұрғыда тәуелді болып қалғаны дәлелденді ме?
5. Қылмыстық кодекстің 99-бабы, 2-бөлігі, 5-тармағы бойынша айып бойынша бірінші сұрақ: Қылмыс болған күні, атап айтқанда 2023 жылдың 9 қарашасында, шамамен түстен кейін жәбірленуші алған жарақаттарынан қайтыс болғаны дәлелденді ме?
6. Сипатталған жағдайларда жәбірленушінің қасақана және қасақана мақсатты түрде бірнеше рет ұрып-соғу арқылы алған жарақаттары өліміне себеп болғаны дәлелденді ме?
7. Сотталушы жәбірленушінің өміріне қасақана аяусыз физикалық және моральдық азаптауға, ауыр және ұзаққа созылған азапқа ұшыратып, көп мөлшерде дене жарақаттарын келтіріп, оған су бермей, қорлағаны дәлелденді ме?
8. Бірінші сұрақта сипатталған жағдайларда жәбірленушінің денсаулығына ауыр зиян келтірген, жәбірленушінің абайсызда өліміне әкеп соқтырған басына көптеген соққы жасалғаны, бұл әрекетті сотталушы жасағаны дәлелденген бе?
Естеріңізге салсақ, айыпталушы Бишімбаев бұған дейін де Салтанаттың өлімінде өз кінәм бар екенін мойындап, ұрып-соққанын жасырмаған.
Вам может быть интересно: «Казахстан сократит расходы на международные споры»
