Денсаулық индексі бойынша елдер рейтингі және ҚР-дағы амбулаторлық қызметтер бағасының өзгеруі. Қыркүйек 2022
Биылғы бірінші жартыжылдықта денсаулық сақтау жүйесі сапасының рейтингінде Қазақстан 96 елдің ішінде 58-орын алды. Елдің индексі 59,89 болды. Индекс 100-ге жақындаған сайын денсаулық сақтау жүйесі жақсы деп саналады. Рейтингте денсаулық сақтау мамандарының деңгейі, құрал-жабдықтар, персонал, дәрігерлер мен қызметтердің құны бағаланды, ranking.kz деп хабарлайды.
ТМД елдерінің ішінде Ресей, Армения, Украина*, Әзірбайжан және Беларусь елдерінің көрсеткіштері Қазақстаннан төмен. Рейтингтің басында Тайвань, Оңтүстік Корея және Жапония. Соңғы орында Мальта.
* Украина бірқатар себептерге байланысты ТМД-да даулы мәртебеге ие.
Биылғы қыркүйек айының қорытындысы бойынша, ҚР-да амбулаторлық қызметтердің бағасы бір жылда 15,1% өсті. Өңірлер бойынша ең көп Түркістан (27,5%), Қарағанды (24,8%) және Ұлытау (плюс 22,7%) облыстарында қымбаттады.
Баға ең өскен Батыс Қазақстан (2,4%), Ақтөбе (3,4%) және Атырау (8,1%) облыстары.
Амбулаториядағы дәрігер мамандар қызметі 18,2%, дәрігердің алғашқы қабылдауы 16,8%, стоматология қызметі 15,1%, медициналық зертханалар мен рентген кабинеттерінің қызметі 10,2% қымбаттады.
2022 жылдың екінші тоқсанында денсаулық сақтау қызметінің көлемі 733,4 млрд теңгені құрады, бұл өткен жылдың сәйкес кезеңімен салыстырғанда ақшалай түрде 2,7% аз.
Өңірлер бойынша қызмет көрсетудің ең үлкен көлемі Алматыға тиесілі: 140,3 млрд теңге — бір жыл бұрынғыдан 19,1% артық. Үздік үштікке сондай-ақ елорда (106,7 млрд теңге) және Қарағанды облысы (49 млрд теңге) кірді.
Ең аз қызмет көрсету көлемі Ұлытау облысында байқалды: 4,7 млрд теңге. Үш аутсайдер қатарына Абай және Солтүстік Қазақстан облыстары да бар: сәйкесінше 16,3 млрд және 18,2 млрд теңге.
Вам может быть интересно: «ФАО: соглашение о борьбе с незаконным промыслом рыбы подписали уже более 100 стран»
